The post രാഷ്ട്രപിതാവിന്റെ ഘാതകൻ ‘ആരോ ഒരാൾ’ അല്ല, ഹൈന്ദവ മതഭീകരവാദിയായ നാഥുറാം വിനായക് ഗോഡ്‌സെ ആണ്! appeared first on OPEN PRESS | ഓപ്പണ്‍ പ്രസ്സ്.
]]>ആരാണീ നമ്മൾ?
ഒന്നുകിൽ മനോരമ ആയിരിക്കണം. കണ്ടത്തിൽ കുടുംബമോ മനോരമ ജീവനക്കാരോ അങ്ങനെയൊരു ഹീനകൃത്യം നടത്തി എന്ന് എവിടെയും കേട്ടിട്ടില്ല.
മനോരമ കഴിഞ്ഞ വർഷം വരെ അത്‌ പറഞ്ഞിട്ടുമില്ല.
ഇപ്പോൾ ഈ കുമ്പസാരം നടത്തണമെങ്കിൽ ഒന്നുകിൽ മനോരമയാണ് കൊന്നത് എന്ന് ഇതിനിടയിൽ കണ്ടുപിടിച്ചുകാണണം അതില്ല, അപ്പോൾ പിന്നെ എന്തുകൊണ്ടാണ് ഈ ഏറ്റുപറച്ചിൽ?
കൊന്നവർക്കൊപ്പം മനോരമ കൂടിയതിന്റെ കുമ്പസാരം ആയിരിക്കും.
അങ്ങനെയെങ്കിൽ അത്‌ ശരിയുമാണ്. കുറേ നാളായി മനോരമ സംഘപരിവാറിനൊപ്പമാണ്. അപ്പോൾ ഗാന്ധിയെക്കൊന്നവരുടെ കുറ്റബോധത്തിന്റെ (അങ്ങയൊന്നുണ്ടെങ്കിൽ) ഒരു കഷണം അവർക്കും ആകാം.
എഡിറ്റോറിയലിനെക്കാൾ ഭീകരമാണ് എഡിറ്റോറിയൽ പേജിലെ ജോമി തോമസിന്റെ കുറിപ്പ്.
ആ വെള്ളിയാഴ്‌ചയെക്കുറിച്ച് വള്ളി പുള്ളി വിടാതെ പരമാവധി വിശദവും വൈകാരികവുമായി എഴുതിയ ജോമിക്കും പക്ഷേ കൊലയാളിയുടെ പേരറിയില്ല. ‘ഒരാൾ’ എന്നേ അറിയൂ!
ആ ദുഖവെള്ളിയാഴ്‌ച ദിവസം ഗാന്ധി ഉറക്കമെഴുന്നേറ്റ സമയം മുതൽ മരിക്കുന്ന സമയം വരെയുള്ള ഒട്ടെല്ലാ കാര്യങ്ങളും വിശദീകരിക്കുന്നുണ്ട് ജോമി.
പുലർച്ചെ 3.30ന് ഗാന്ധി ഉറക്കമുണരുമ്പോൾ അതിനുമുമ്പേ ഉണർന്നിരിക്കുന്ന സഹായികളായ മനുവിന്റെയും ബ്രിജ് കൃഷ്ണ ഛന്ദവാലയുടെയും പേര് ജോമിക്കറിയാം.
അപ്പോഴും ഉണർന്നിട്ടില്ലാത്ത ആഭയുടെ പേരും ജോമിക്കറിയാം. ഗാന്ധിയുടെ പേഴ്സണൽ സെക്രട്ടറി വി കല്യാണത്തിന്റെ പേര് അറിയാം. തലേന്ന് ഗാന്ധി കത്തെഴുതിയ കിഷോരിലാൽ മഷ്രുവാലയെയും ജോമിക്കറിയാം. ഗാന്ധിയുടെ സെക്രട്ടറി പ്യാരേലാൽ നായ്യാറുടെ പേര് അറിയാം. ഗാന്ധിയെ കാണാനെത്തിയ സുധീർ ഘോഷിന്റെ പേര് അറിയാം. ഗാന്ധിയുടെ ഫോട്ടോ എടുക്കാൻ വന്ന ലൈഫ് മാഗസിൻ ഫോട്ടോഗ്രാഫറായ മാർഗരറ്റ് ബുർക് വൈറ്റിന്റെ പേരറിയാം!
എന്തിന്, 3.15ന് വന്ന ഫ്രഞ്ച് ഫോട്ടോഗ്രാഫർ ഹെൻട്രി കാർട്ടിയ-ബ്രസന്റെ പേര് വരെ കൃത്യമായി അറിയാം! പട്ടേലിനൊപ്പം ഗാന്ധിയെ കാണാൻ വന്ന അദ്ദേഹത്തിന്റെ മകൾ മണി ബെന്നിന്റെ പേര് ജോമി മറക്കുന്നില്ല!
പക്ഷേ, വെകുന്നേരത്തെ പ്രാർത്ഥനാ സമ്മേളന വേദിയിലേക്ക് കടന്നുവന്ന് “നമസ്തേ ഗാന്ധിജി” എന്നുപറഞ്ഞ് കുമ്പിട്ട ശേഷം ഇടതുകൈകൊണ്ട് മനുവിനെ തട്ടിമാറ്റി വലതുകയ്യിലെ പിസ്റ്റൾ കൊണ്ട് രാഷ്ട്രപിതാവിന്റെ നെഞ്ചിലേക്ക് മൂന്നുവട്ടം വെടിവച്ച ആ ‘ഒരാളു’ടെ പേരുമാത്രം ജോമിക്കറിയില്ല!!!
പക്ഷേ, നമുക്കറിയാം രാഷ്ട്രപിതാവിന്റെ ഖാതകൻ ആരോ ‘ഒരാൾ’ അല്ല, ഹൈന്ദവ മതഭീകരവാദിയായ നാഥുറാം വിനായക് ഗോഡ്‌സെ ആണ് അയാൾ.
ആ പേര് കേൾക്കുമ്പോൾ ജോമിക്കും മനോരമക്കും അടിവസ്ത്രം നനയുമായിരിക്കും.
ഭയം ഡെസ്കുകളെയും ബ്യൂറോകളെയും സ്റ്റുഡിയോകളെയും കീഴ്പ്പെടുത്തുന്നുണ്ട്.
എന്നാൽ, വിറയ്ക്കാത്ത ശബ്ദത്തിൽ ലക്ഷോപലക്ഷം മനുഷ്യർ ഗോഡ്സെയെന്ന ഭീകരവാദിയുടെ പേര് ഉറക്കെ വിളിച്ചുപറയുന്നുണ്ട്.
ഹിന്ദുത്വ ഭീകരതയ്‌ക്കെതിരെ വിരൽചൂണ്ടുന്നുണ്ട്. ഈ ഭീകരതയെയും ഇന്ത്യ അജിജീവിക്കും.
അന്നും മനോരമ വരും, ബ്രിട്ടീഷ് രാജ്ഞിക്ക് സ്തുതിഗീതം പാടിയ മനോരമ പിന്നീട് സ്വാതന്ത്ര്യപോരാട്ടം നടത്തിയ കഥയുമായി വന്നതുപോലെ!.
Gopakumar T
The post രാഷ്ട്രപിതാവിന്റെ ഘാതകൻ ‘ആരോ ഒരാൾ’ അല്ല, ഹൈന്ദവ മതഭീകരവാദിയായ നാഥുറാം വിനായക് ഗോഡ്‌സെ ആണ്! appeared first on OPEN PRESS | ഓപ്പണ്‍ പ്രസ്സ്.
]]>The post സിദ്ദീഖ് കാപ്പനെ കുടുക്കിയതിൽ മനോരമ ലേഖകന്റെ മൊഴിയും; വെളിപ്പെടുത്തലുമായി ദേശീയ മാധ്യമം appeared first on OPEN PRESS | ഓപ്പണ്‍ പ്രസ്സ്.
]]>സിദ്ദിഖ് പോപുലര്‍ ഫ്രണ്ട് പ്രവര്‍ത്തകനാണെന്നും വര്‍ഗീയ ധ്രുവീകരണത്തിന് വഴിയൊരുക്കുന്ന വാര്‍ത്തകള്‍ നിരന്തരം നല്‍കിയെന്നും യുപി പ്രത്യേക അന്വേഷണ സംഘത്തിന് ബിനു മൊഴി നല്‍കിയതായി റിപ്പോര്‍ട്ടില്‍ പറയുന്നു. ഡല്‍ഹിയില്‍ കെ.യു.ഡബ്ള്യു.ജെ ഭാരവാഹികളായിരുന്ന മറ്റു ചില മാധ്യമപ്രവര്‍ത്തകരും വര്‍ഗീയത ഇളക്കിവിടും വിധം വാര്‍ത്തകള്‍ നല്‍കിയെന്നും ഇവര്‍ക്കെതിരായി കൂടി അന്വേഷണം വേണമെന്നും ബിനു യുപി പൊലീസിനോട് ആവശ്യപ്പെട്ടിട്ടുണ്ട്.
സിദ്ദിഖിനും ഡല്‍ഹിയിലെ മറ്റ് മലയാള മാധ്യമപ്രവര്‍ത്തകര്‍ക്കെതിരായും ബിനു നല്‍കിയ വിശദമായ മൊഴി മഥുര കോടതിയില്‍ സമര്‍പ്പിച്ച കുറ്റപത്രത്തില്‍ യുപി പോലിസ് ഉള്‍പ്പെടുത്തിയിട്ടുണ്ട്. സിദ്ദിഖ് കാപ്പനെ വര്‍ഗീയവാദിയായി ചിത്രീകരിച്ച് ഓര്‍ഗനൈസര്‍ അസോസിയേറ്റ് എഡിറ്റര്‍ ജി ശ്രീദത്തന് ബിനു അയച്ച ഇമെയിലുകളുടെ പകര്‍പ്പും കുറ്റപത്രത്തിന്റെ ഭാഗമാണ്.
സിദ്ദിഖും മറ്റുചില മാധ്യമപ്രവര്‍ത്തകരും വര്‍ഗീയ താല്‍പ്പര്യത്തോടെ നിരന്തരം വാര്‍ത്തകള്‍ നല്‍കിയെന്ന് ബിനു അറിയിച്ചതായി 2020 ഡിസംബര്‍ 31 ന് ഡെയിലി ഡയറി എന്‍ട്രിയായി യുപി പൊലീസ് കേസ് ഫയലില്‍ രേഖപ്പെടുത്തി.
തുടര്‍ന്ന് പൊലീസ് ബിനുവിനെ ബന്ധപ്പെട്ടു. നേരിട്ട് ഹാജരാകാനാകില്ലെന്നും ഇമെയിലില്‍ അറിയിക്കുന്ന കാര്യങ്ങള്‍ മൊഴിയായി രേഖപ്പെടുത്താമെന്നും ബിനു അറിയിച്ചു. ദേശീയ അഖണ്ഡതയ്ക്കും മതസൗഹാര്‍ദ്ദത്തിനും അപകടം ചെയ്യും വിധം വര്‍ഗീയത പടര്‍ത്തുന്നതില്‍ സിദ്ദിഖിന്റെയും ഡല്‍ഹിയിലെ മറ്റുചില കെ.യു.ഡബ്ള്യു.ജെ നേതാക്കളുടെയും പങ്ക് എന്നാണ് ബിനുവിന്റെ മൊഴിയിലെ ആദ്യ ഉപതലക്കെട്ട്. എന്നാല്‍ ഇത് തെളിയിക്കുന്ന യാതൊരു രേഖയും ബിനു കൈമാറിയിട്ടില്ല.
ബിനുവിന്റെ മൊഴിയുടെ ചുരുക്കം ഇപ്രകാരമാണ്. ‘സിഎഎ വിരുദ്ധ സമരത്തിന്റെ ഘട്ടത്തില്‍ ജാമിയയിലെ പോലിസ് നടപടിയുമായി ബന്ധപ്പെട്ട് കെ.യു.ഡബ്ള്യു.ജെ അംഗങ്ങളായ മാധ്യമപ്രവര്‍ത്തകര്‍ വ്യാജ വാര്‍ത്തകള്‍ പ്രചരിപ്പിച്ചു. ഏഷ്യാനെറ്റ്, മീഡിയാവണ്‍ ചാനലുകളിലെ റിപ്പോര്‍ട്ടര്‍മാരെ സിദ്ദിഖ് സ്വാധീനിച്ചു. ഈ രണ്ട് ചാനലുകള്‍ക്കും 48 മണിക്കൂര്‍ വിലക്ക് വന്നു.
എന്നാല്‍ ചാനലുകളിലെ മാധ്യമപ്രവര്‍ത്തകര്‍ക്കെതിരായി നടപടിയുണ്ടായില്ല. സിദ്ദിഖിനെ യുപി പൊലീസ് ‘ഇര’യാക്കിയതെന്ന തരത്തില്‍ കെ.യു.ഡബ്ള്യു.ജെയിലെ അള്‍ട്രാ ലെഫ്റ്റ് മാധ്യമപ്രവര്‍ത്തകര്‍ സാമൂഹിക മാധ്യമങ്ങളില്‍ പ്രചാരണം നടത്തി. ഇവരുടെ പങ്ക് അന്വേഷിക്കണം.
കെ.യു.ഡബ്ള്യു.ജെ സെക്രട്ടറിയായിരിക്കെ പോപുലര്‍ ഫ്രണ്ടിന്റെ നിയമവിരുദ്ധ പ്രവര്‍ത്തനങ്ങള്‍ക്കായി സിദ്ദിഖ് യൂനിയന്‍ ഫണ്ടില്‍ നിന്ന് പണം പിന്‍വലിച്ചു. സിദ്ദിഖ് സജീവ പോപുലര്‍ ഫ്രണ്ട് പ്രവര്‍ത്തകനാണ്. രാജ്യത്താകെ വര്‍ഗീയത പടര്‍ത്താന്‍ സിദ്ദിഖ് ശ്രമിച്ചു’
The post സിദ്ദീഖ് കാപ്പനെ കുടുക്കിയതിൽ മനോരമ ലേഖകന്റെ മൊഴിയും; വെളിപ്പെടുത്തലുമായി ദേശീയ മാധ്യമം appeared first on OPEN PRESS | ഓപ്പണ്‍ പ്രസ്സ്.
]]>