‘ഇ കെ മൗലവി: തെരഞ്ഞെടുത്ത കൃതികൾ’ പുസ്തക പ്രകാശനം നാളെ കോഴിക്കോട്ട്
കോഴിക്കോട്: പ്രമുഖ സാമൂഹിക പരിഷ്കര്ത്താവായിരുന്ന ഇ കെ മൗലവിയുടെ തെരഞ്ഞെടുത്ത കൃതികൾ പ്രകാശിതമാവുന്നു.
മൗലവിയുടെ വിലപ്പെട്ട ലേഖനങ്ങളും പുസ്തകങ്ങളും പ്രമുഖ ജീവചരിത്രകാരൻ അബ്ദുറഹ്മാൻ മങ്ങാടാണ് സമാഹരിച്ചത്.
നാളെ (24.10.23 ചൊവ്വ) വൈകീട്ട് മൂന്ന് മണിക്ക് കോഴിക്കോട് കെ പി കേശവമേനോൻ ഹാളിലാണ് പ്രകാശനം. ഇ കെ മൗലവി കുടുംബസമിതി സംഘടിപ്പിക്കുന്ന പരിപാടിയിൽ അഡ്വ. പി എം എ സലാം, ഡോ. കെ മൊയ്തു, ഡോ. ഇ കെ അഹമദ്കുട്ടി, എം കെ ബാവ, ഇസ്ഹാഖലി കല്ലിക്കണ്ടി, അബ്ദുറഹമാൻ മങ്ങാട്, കെ പി സകരിയ്യ, പി ഒ ഹംസ മാസ്റ്റർ, ഇ കെ ഫസലുർറഹമാൻ, ഇ കെ മർയം ടീച്ചർ തുടങ്ങിയ പ്രമുഖർ പങ്കെടുക്കും.
റോയൽ സൈസിൽ 384 പേജിൽ മുദ്രണം ചെയ്ത ‘ഇ കെ മൗലവി: തെരഞ്ഞെടുത്ത കൃതികൾ’ മലയാളത്തിലെ പ്രമുഖ പ്രസാധകരായ യുവത ബുക്ഹൗസാണ് പ്രസിദ്ധീകരിക്കുന്നത്. 650 രൂപയാണ് ഗ്രന്ഥത്തിൻ്റെ മുഖവില.
ലിങ്ക്: https://yuvathabooks.in/
