സംസ്ഥാനത്ത് ഇന്ന് ഏഴ് പേർക്ക് കൂടി കോവിഡ് സ്ഥിരീകരിച്ചു; 27 പേർ രോഗമുക്തരായി
തിരുവനന്തപുരം: സംസ്ഥാനത്ത് ഇന്ന് ഏഴ് പേർക്ക് കോവിഡ് സ്ഥിരീകരിച്ചു. അഞ്ച് പേർ വിദേശത്ത് നിന്നെത്തിയവരാണ്. രണ്ട് പേർക്ക് സമ്പർക്കത്തിലൂടെയാണ് രോഗബാധയുണ്ടായത്. 27 പേർ ഇന്ന് രോഗമുക്തരായി.
കണ്ണൂർ ജില്ലയിൽ നാല് പേർക്കും കോഴിക്കോട് രണ്ട് പേർക്കും കാസർഗോഡ് ഒരാൾക്കുമാണ് രോഗം സ്ഥിരീകരിച്ചത്. കാസർഗോഡ് 24 പേരുടെയും എറണാകുളം, പാലക്കാട്, മലപ്പുറം എന്നിവിടങ്ങളിൽ ഓരോരുത്തരുടെയുമാണ് പരിശോധനാഫലം നെഗറ്റീവായത്.
സംസ്ഥാനത്ത് 394 പേർക്കാണ് ഇതുവരെ കോവിഡ് സ്ഥിരീകരിച്ചത്. ഇതിൽ 147 പേർ ഇപ്പോൾ ചികിത്സയിലുണ്ട്. സംസ്ഥാനത്ത് ഇപ്പോൾ നിരീക്ഷണത്തിലുള്ളത് 88,855 പേരാണ്. ഇതിൽ 88,332 പേർ വീടുകളിലാണ് നിരീക്ഷണത്തിലുള്ളത്. 532 പേർ ആശുപത്രികളിലും നിരീക്ഷണത്തിൽ കഴിയുന്നുണ്ട്.
ഇന്നു മാത്രം 108 പേരെ ആശുപത്രിയിൽ പ്രവേശിപ്പിച്ചു. ഇതുവരെ 17400 സാമ്പിളുകൾ പരിശോധനക്ക് അയച്ചു. 16,459 എണ്ണത്തിൽ രോഗബാധയില്ലെന്ന് ഉറപ്പ് വരുത്തിയിട്ടുണ്ട്
The views and opinions expressed in this article are those of the authors and do not necessarily reflect the official policy or position of OPENPRESS
