ഒരു റോക്കറ്റ് വരുത്തിവെച്ച വിന !

സോഷ്യൽ മീഡിയയിൽ അത്യാവശ്യം ആക്റ്റീവ് ആയ ഒട്ടുമിക്ക മലയാളികളും രാവിലെ മുതൽ ഒരു റോക്കറ്റിന്റെ പുറകെയായിരുന്നു.

അവസാനം പിരിമുറുക്കം അവസാനിച്ചത് കേരളത്തെ ഭീതിപ്പെടുത്തി കടന്നുപോയ ആ ചൈനീസ് റോക്കറ്റ് ഇന്ത്യൻ മഹാസമുദ്രത്തിൽ, മാലിദ്വീപിന്റെ പടിഞ്ഞാറ് ഭാഗത്തു പതിച്ചു എന്നുള്ള വാർത്ത കേട്ടതിനുശേഷമാണ്.

അന്തരീക്ഷത്തിലേക്ക് വീണ്ടും പ്രവേശിക്കുന്നതിനിടെ ചൈനീസ് റോക്കറ്റിന്റെ ഭൂരിഭാഗവും നശിച്ചു എങ്കിലും പക്ഷേ ബാക്കിവന്ന അവശിഷ്ടങ്ങൾ മാലിദ്വീപിന് പടിഞ്ഞാറ് പതിച്ചതായി ദേശീയ മാധ്യമങ്ങൾ റിപ്പോർട്ട് ചെയ്തു.

റോക്കറ്റിന്റെ അവശിഷ്ടങ്ങൾ എവിടെ പതിക്കുമെന്ന ആശങ്ക വിദഗ്ധർ പങ്കുവച്ചതോടെ കോവിഡ് ആശങ്കയിൽ ഇനി റോക്കറ്റ് കൂടി പണി തരുമോ എന്ന ആശങ്ക നമുക്കുണ്ടായി എന്നത് യാഥാർഥ്യമാണ്.

ലോംഗ് മാർച്ച് -5 ബി വെഹിക്കിൾ ഞായറാഴ്ച ബെയ്‌ജിങ്‌ സമയം 10:24 (02:24 ജിഎംടി) അന്തരീക്ഷത്തിലേക്ക് വീണ്ടും പ്രവേശിച്ചതായി ചൈനീസ് മാനെഡ് സ്പേസ് എഞ്ചിനീയറിംഗ് ഓഫീസ് അറിയിച്ചതായി സംസ്ഥാന മാധ്യമങ്ങൾ റിപ്പോർട്ട് ചെയ്തു. പരിക്കുകളോ നാശനഷ്ടങ്ങളോ റിപ്പോർട്ട് ഇതുവരെ ചെയ്തിട്ടില്ല.

18 ടൺ ദൈർഘ്യമുള്ള റോക്കറ്റിൽ നിന്നുള്ള അവശിഷ്ടങ്ങൾ, ഇന്ത്യൻ മഹാസമുദ്രത്തിന്റെ 72.47 ° കിഴക്കും 2.65 ° വടക്കും ഭാഗത്തു പതിക്കുകയുണ്ടായി .

“ബഹിരാകാശ യാത്രകൾക്ക് പങ്കെടുക്കുന്ന രാജ്യങ്ങൾ ഭൂമിയിലെ ആളുകൾക്കും സ്വത്തിനും ഉണ്ടാകുന്ന അപകടസാധ്യതകൾ കുറയ്ക്കണം,” യുഎസ് പ്രതിരോധ സെക്രട്ടറി ലോയ്ഡ് ഓസ്റ്റിൻ ഈ വാർത്ത അറിഞ്ഞതിനുശേഷം പ്രസ്താവനയിൽ പറഞ്ഞു. ബഹിരാകാശ അവശിഷ്ടങ്ങൾ സംബന്ധിച്ച് ഉത്തരവാദിത്ത മാനദണ്ഡങ്ങൾ പാലിക്കുന്നതിൽ ചൈന പരാജയപ്പെടുന്നുണ്ടെന്ന് വ്യക്തമാണെന്നും അദ്ദേഹം വ്യക്തമാക്കി.

ചൈനയുടെ പുതിയ ബഹിരാകാശ നിലയത്തിന്റെ ആദ്യ മൊഡ്യൂൾ ലോഞ്ച് ചെയ്യാൻ ലോംഗ് മാർച്ച് -5 ബി വെഹിക്കിളിൽ നിന്നുള്ള പ്രധാന വിഭാഗം കഴിഞ്ഞ മാസം വിനിയോഗിച്ചു. ഏപ്രിൽ 29 ന് ഭൂമിയുടെ ഉപരിതലത്തിൽ നിന്ന് ഏകദേശം 375 കിലോമീറ്റർ (99 മൈൽ മുതൽ 233 മൈൽ വരെ) മുകളിൽ ഉള്ള എലിപ്‌റ്റിക്കൽ ഭ്രമണപഥത്തിൽ (160 കിലോമീറ്റർ) എത്തിച്ച ലോംഗ് മാർച്ച് -5 ബി കോർ സ്റ്റേജ് ന്റെ ഉയരം ഉടൻ തന്നെ കുറയാൻ തുടങ്ങി.

ഉയർന്ന ദ്രവണാങ്കങ്ങളും മറ്റ് പ്രതിരോധശേഷിയുള്ള വസ്തുക്കളും അടങ്ങിയ ലോഹങ്ങൾക്ക് ഭൂമിയുടെ ഉപരിതലത്തിൽ നിലനിൽക്കാൻ എല്ലായിപ്പോഴും സാധ്യതയുണ്ടെങ്കിലും വിവിധ ബഹിരാകാശ അവശിഷ്ട മോഡലിംഗ് വിദഗ്ധരും അന്തരീക്ഷത്തിലൂടെയുള്ള അവസാന വീഴ്ചയിൽ വെഹിക്കിളിന്റെ മിക്കഭാഗങ്ങളും കത്തിപോകുമെന്നു പ്രവചിക്കുകയുണ്ടായി.

ബഹിരാകാശ ശ്രമങ്ങൾക്കായി ചൈന ഈ അടുത്ത് കോടിക്കണക്കിന് ഡോളർ ചിലവഴിക്കുകയുണ്ടായി. 2019 ൽ ചന്ദ്രന്റെ വിദൂര ഭാഗത്തേക്ക് ഒരു അൺക്രൂഡ് റോവർ അയച്ച ആദ്യ രാജ്യമായി ചൈന മാറി. പ്രസിഡന്റ് സിൻ ജിൻ‌പിംഗും ഈ ശ്രമങ്ങൾക്ക് പിന്നിൽ പിന്തുണ നൽകിയിട്ടുണ്ട്. ടിയാങ്‌ഗോംഗ് എന്ന ബഹിരാകാശ നിലയം അടുത്ത വർഷം ആദ്യം തന്നെ പ്രവർത്തനം ആരംഭിക്കാൻ തുടങ്ങും.

കൂടാതെ ചൈനയുടെ ചൊവ്വയിലേക്കുള്ള ദൗത്യങ്ങളെക്കുറിച്ചും റഷ്യയുമായി പങ്കിട്ട ചാന്ദ്ര സ്റ്റേഷനെക്കുറിച്ചും ലോകത്ത് കാര്യമായ ചർച്ച നടക്കുന്നുണ്ട്.