മാലദ്വീപില്‍ നിന്ന് പ്രവാസികളുമായി ജലാശ്വ തീരമണിഞ്ഞു

കൊ​ച്ചി: ലോ​ക്ഡൗണി​ൽ കു​ടു​ങ്ങി​യ ഇ​ന്ത്യാ​ക്കാ​രു​മാ​യി മാ​ല​ദ്വീ​പി​ൽ‌​ നി​ന്ന് നാ​വി​ക​സേ​ന​യു​ടെ ക​പ്പ​ൽ കൊ​ച്ചി​യു​ടെ തീ​ര​ത്ത്. വെ​ള്ളി​യാ​ഴ്ച രാത്രി 9 മണിക്ക് മാ​ല​ദ്വീ​പി​ൽ ​നി​ന്നും പു​റ​പ്പെ​ട്ട ക​പ്പ​ൽ ഞാ​യ​റാ​ഴ്ച രാ​വി​ലെ 9.30 ന് ​ആ​ണ് കൊ​ച്ചി​യി​ൽ എ​ത്തി​യ​ത്. ക​പ്പ​ലി​ൽ 698 യാ​ത്ര​ക്കാ​രാ​ണു​ള്ള​ത്. ഇ​തി​ൽ 595 പു​രു​ഷ​ൻ​മാ​രും 103 സ്ത്രീ​ക​ളു​മാ​ണ്. 19 പേ​ർ ഗ​ർ​ഭി​ണി​ക​ളാ​ണ്. തു​റ​മു​ഖ​ത്തെ സ​മു​ദ്രി​ക ക്രൂ​യി​സ് ടെ​ര്‍​മി​ന​ലി​ലാ​ണ് ക​പ്പ​ല്‍ എത്തിചേർന്നത്.

പ്രവാസികളെ നാട്ടിലെത്തിക്കാന്‍ നാവികസേന അയച്ച രണ്ടു കപ്പലുകളില്‍ ആദ്യത്തേതാണിത്. നാവികസേനയുടെ മറ്റൊരു കപ്പലായ ഐ.എന്‍.എസ്. മഗറും അടുത്തദിവസം ദ്വീപിലെത്തും. നാവികസേനയുടെ നേതൃത്വത്തിലുള്ള ഓപ്പറേഷന്‍ ‘സമുദ്രസേതു’വിന്റെ ഭാഗമായാണ് കപ്പല്‍ അയച്ചത്. ആദ്യ ക്രമീകരണങ്ങള്‍ പ്രകാരം 732 പേരെയാണ് യാത്രയ്ക്ക് തിരഞ്ഞെടുത്തത്. ഇതില്‍ ചിലരെ പരിശോധനകള്‍ക്കൊടുവില്‍ ഒഴിവാക്കി

രോ​ഗ​ല​ക്ഷ​ണ​ങ്ങ​ള്‍ ക​ണ്ടെ​ത്തു​ന്ന​വ​രെ ആ​ദ്യം​ ത​ന്നെ ക​പ്പ​ല്‍​ശാ​ല​യി​ല്‍ ഒ​രു​ക്കി​യ ക്വാ​റ​ന്‍റൈ​ന്‍ കേ​ന്ദ്ര​ത്തി​ലേ​ക്കു മാ​റ്റും. മ​റ്റു യാ​ത്ര​ക്കാ​രെ ജി​ല്ല തി​രി​ച്ച് 50 ബാ​ച്ചു​ക​ളാ​യി ഇ​റ​ക്കും. ഇ​വ​ർ​ക്കു മാ​ന​ദ​ണ്ഡ​ങ്ങ​ള്‍ പാ​ലി​ച്ചു വീ​ടു​ക​ളി​ലേ​ക്കു പോ​കാം. പു​റ​ത്തി​റ​ങ്ങു​ന്ന യാ​ത്ര​ക്കാ​ര്‍​ക്കു പോ​ര്‍​ട്ടി​ന്‍റെ ആ​രോ​ഗ്യ​വി​ഭാ​ഗം സ്വ​യം​പ്ര​ഖ്യാ​പ​ന ഫോം ​ന​ല്‍​കും.

രോ​ഗ​വി​വ​ര​ങ്ങ​ള്‍ സ്വ​യം സാ​ക്ഷ്യ​പ്പെ​ടു​ത്തു​ന്ന​തി​നു​ള്ള ഫോം ​ആ​ണി​ത്. ബി​എ​സ്എ​ന്‍​എ​ല്‍ സി​മ്മും ന​ല്‍​കും. ടെ​ര്‍​മി​ന​ലി​ല്‍ ഇ​റ​ങ്ങു​ന്ന എ​ല്ലാ​വ​രും ആ​രോ​ഗ്യ​സേ​തു ആ​പ്പ് മൊ​ബൈ​ല്‍ ഫോ​ണി​ല്‍ ഇ​ന്‍​സ്റ്റാ​ള്‍ ചെ​യ്യ​ണ​മെ​ന്നു കേ​ന്ദ്ര നി​ര്‍​ദേ​ശ​മു​ണ്ട്. ക്ലി​യ​റ​ന്‍​സ് ന​ട​പ​ടി​ക​ള്‍​ക്കു​ശേ​ഷം ഇ​മി​ഗ്രേ​ഷ​ന്‍, ക​സ്റ്റം​സ് ചെ​ക്കിം​ഗു​ക​ള്‍, ബാ​ഗേ​ജ് സ്‌​കാ​നിം​ഗ് തു​ട​ങ്ങി​യ​വ ഉ​ണ്ടാ​കും. ക​പ്പ​ലി​ല്‍ ​നി​ന്നു യാ​ത്ര​ക്കാ​രെ പു​റ​ത്തേ​ക്ക് ഇ​റ​ക്കു​ന്ന​തും പ്രാ​ഥ​മി​ക പ​രി​ശോ​ധ​ന ന​ല്‍​കു​ന്ന​തും ജി​ല്ലാ ഭ​ര​ണ​കൂ​ട​ത്തി​ന്‍റെ നേ​തൃ​ത്വ​ത്തി​ലാ​യി​രി​ക്കും.

പു​റ​ത്തി​റ​ങ്ങു​ന്ന യാ​ത്ര​ക്കാ​ര്‍​ക്കാ​യി കെ​എ​സ്ആ​ര്‍​ടി​സി ബ​സു​ക​ൾ ഒ​രു​ക്കി​യി​ട്ടു​ണ്ട്. 30 പേ​ര്‍​ക്കു മാ​ത്ര​മാ​ണ് ഒ​രു ബ​സി​ല്‍ പ്ര​വേ​ശ​നം. ഓ​ര്‍​ഗ​നൈ​സേ​ഷ​നു​ക​ളും വാ​ഹ​ന സൗ​ക​ര്യം ഏ​ര്‍​പ്പെ​ടു​ത്തു​ന്നു​ണ്ട്. മാ​ന​ദ​ണ്ഡ​ങ്ങ​ള്‍ പാ​ലി​ച്ചു സ്വ​ന്തം വാ​ഹ​ന​ങ്ങ​ളി​ലും യാ​ത്ര​ക്കാ​ര്‍​ക്കു വീ​ടു​ക​ളി​ലേ​ക്കു പോ​കാം.