സമൂഹത്തിൽ എല്ലാ തലത്തിലും വളർന്നു വരുന്ന ഒരു അധമ അധികാര സമീപനമാണ് ശിങ്കിടിയിസം അല്ലെങ്കിൽ ക്രോണിയിസം.
കഴിഞ്ഞ പതിനഞ്ച് വർഷങ്ങളിൽ വളർന്ന ശിങ്കിടി മുതലാളിത്വം അഥവാ ക്രോണി ക്യാപിറ്റലിസമാണ് ഇന്ത്യൻ ജനാധിപത്യ വ്യവസ്‌ഥ നേരിടുന്ന വെല്ലുവിളികളിലൊന്ന്.
ഭരണപാർട്ടി നേതാക്കൾക്ക് ഇഷ്ട്ടം പോലെ പണവും മീഡിയ സപ്പോർട്ടും കൊടുക്കുന്നതിന് പകരമായി എല്ലാ സർക്കാർ കോൺട്രാക്റ്റസ്, ടാക്സ് ഇളവുകൾ, പൊതു ബാങ്കിൽ നിന്ന് ഇഷ്ട്ടം പോലെ കുറഞ്ഞ പലിശക്കു വായ്പ, വിദേശ ഡിപ്ലോമാറ്റിക് സപ്പോർട്ടിൽ വിദേശ ബിസിനസ്സുകൾ.
ജനാധിപത്യത്തെ പണാധിപത്യം വിഴുങ്ങുകയും വിഷലിപത്മാക്കുകയും ചെയ്യുന്നു. ഭരണപാർട്ടികൾക്ക് പതിനായിരകണക്കിന് കോടികൾ. കള്ളപ്പണം കൊടുത്തു എം എൽ എമാരെ വിലക്ക് വാങ്ങി തെരെഞ്ഞെടുക്കപെട്ട സർക്കാർ മറിച്ചിടുക. പ്രതിപക്ഷ പാർട്ടികളെ സർക്കാർ സന്നാഹങ്ങൾ ഉപയോഗിച്ച് ഇല്ലാതാക്കാൻ ശ്രമിക്കുക. പണം കൊടുത്തു പ്രൊക്സി സംഘടനകളുണ്ടാക്കി വർഗീയതയും സ്പർദ്ധയും വളർത്തുക.
ഇന്ത്യയിൽ ഇപ്പോൾ വളർന്നു വരുന്ന രാഷ്ട്രീയ അശ്ലീമാണ് ശിങ്കിടി മീഡിയ അല്ലെങ്കിൽ ക്രോണി മീഡിയ. ഇന്ത്യയിൽ ഇന്ന് ഭൂരിപക്ഷം ടെലിവിഷൻ, ഓൺലൈൻ ചാനലുകളുടെ ഉടമസ്ഥൻ അധികാര പാർട്ടിയുടെ തണലിൽ വളർന്ന/ വളരുന്ന ശിങ്കിടി മുതലാളിമാരാണ്.
അൽപ്പം സ്വതന്ത്ര്യ മാധ്യമ പ്രവർത്തനം നടത്തിയ എൻ ഡി ടി വി യെ സർക്കാർ സഹായത്താൽ പിടിച്ചെടുത്ത് അധികാര കുഴലൂത്തു ചാനലാക്കി. നുണ ഫാക്റ്ററിയുടെ മൊത്ത വിതരണക്കാർ സോഷ്യൽ മീഡിയ ഉൾപ്പെടെയുള്ള ക്രോണി മീഡിയയാണ്.
ഇന്ന് മീഡിയ ചാനലുകളും യുട്യൂബ് ചാനലുകളും അധികാരമുള്ളവർ പി ആർ ഏജൻസികൾ വഴി കൊടുക്കുന്ന കോൺട്രാക്റ്റ് മീഡിയ ഡീലുകളുടെ ഭാഗമാണ്. അത് പോലെ സർക്കാർ കോടികണക്കിന് വാരി കൊടുക്കുന്ന പരസ്യങ്ങൾ കാരണം അധികാരത്തിലുള്ളവർക്ക് വേണ്ടിയായി മാധ്യമ പ്രവർത്തനത്തിൽ ഭൂരിപക്ഷവും നിലനിൽക്കുന്നത്.
ഇന്ന് ജേണലിസ്റ്റ് എത്തിക്സ്സും ഫോർത് എസ്റ്റേറ്റും ഇല്ല. ഉള്ളത് ഷോ മാൻ / വുമൺ പെർഫോമേഴ്സും റിയൽ എസ്റ്റേറ്റമാണ്.
നേരത്തെ അധികം ഇല്ലാതിരുന്ന ശിങ്കിടി ഉദ്യോഗസ്ഥരും കൂടി വരുന്നു. ക്രോണി ബ്യൂറോക്രസി. സിവിൽ സർവീസ് ധർമ്മം, എത്തിക്സും പൊളിറ്റിക്കൽ ന്യൂട്രാലിറ്റിയും വിട്ടു രാഷ്ട്രീയ അധികാരികളെ സുഖിപ്പിച്ചു വാഴ്ത്തുപാട്ടുകൾ പാടി ഏറ്റവും നല്ല പോസ്റ്റിങ്ങ്‌ നടത്തുന്ന ശിങ്കിടി ഉദ്യോഗസ്ഥ വ്യവഹാരം അല്ലെങ്കിൽ ക്രോണി ബ്യൂറോക്രാട്ടിക് കൾച്ചർ ആണ് സിവിൽ സർവീസാക്കി മാറ്റിയിരിക്കുന്നു.
പ്രൊഫെഷണൽ കോമ്പിറ്റൻസിനേക്കാൾ പി ആർ കോമ്പിറ്റൻസും അധികാര മണിയടിയുണ്ടെങ്കിൽ പെട്ടെന്ന് ഉയരത്തിൽ എത്താൻ ഓടുന്ന മനോഭാവമാണ് ക്രോണി ബ്യൂറോക്രസി.
അതു പോലെയൊന്നാണ് ശിങ്കിടി രാഷ്ട്രീയം. ഏതെങ്കിലും ഒരു നേതാവിന്റെ സ്തുതി ഗീതങ്ങൾ പാടി, പാദസേവ ചെയ്തു, എപ്പോഴും കൂടെ നിന്നും സുഖിപ്പിച്ചും സർക്കാരിലും വിവിധ പാർട്ടികളിലും സ്ഥാനമാനങ്ങൾ നേടുന്ന ക്രോണി പൊളിറ്റിക്സ് കൂടി.
നേതാവിനെ ദൈവമെന്നും കാരണഭൂതൻ എന്നും ക്യാപ്റ്റൻ എന്നും വാഴ്ത്തിയാൽ അധികാരത്തിന്റെ കഷ്ണം കിട്ടുമെന്ന പ്രത്യാശയിൽ പാദസേവ ചെയ്യുന്നവർ എല്ലാ രാഷ്ട്രീയ പാർട്ടികളിലും കൂടിയത് കൊണ്ടു കൂടിയാണ് കഴിവും പ്രാപ്തിയും ആത്മാഭിമാനവുമുള്ള ചെറുപ്പക്കാർ കക്ഷി രാഷ്ട്രീയത്തിൽ നിന്ന് മാറി നടക്കുന്നത്.
കഴിവിനോ പ്രാപ്‍തിക്കോ ആത്മാർഥക്കോ വില കുറയുകയും ക്രോണിസവും ലീനിയേജ് പ്രിവിലേജ് കൂടുകയും ചെയ്തതതാണ് ഇന്ന് മിക്കവാറും കക്ഷി രാഷ്ട്രീയകക്ഷികൾ നേരിടുന്ന വെല്ലുവിളി.
മിക്കവാറും രാഷ്ട്രീയ പാർട്ടികളിൽ മുപ്പത് വയസ്സിൽ താഴെയുള്ള കഴിവും പ്രാപ്തിയും നല്ല വിദ്യാഭ്യാസവും സ്വാതന്ത്ര്യ ബോധവും നേതൃത്വഗുണവുമുള്ള യുവാക്കൾ കുറയുന്നു. ഇത് രാഷ്ട്രീയ പാർട്ടികളുടെ ഗുണമേന്മയെയും ഭാവിയെയും ദോഷമായി ബാധിക്കുകയും ചെയ്യുന്നു.
The views and opinions expressed in this article are those of the authors and do not necessarily reflect the official policy or position of OPENPRESS
