രാഷ്ട്രീയ തീവ്രവാദത്തിനെതിരെ മതേതര കേരളം ഒന്നിക്കണം: ഐ.എസ്.എം കേരള

കോഴിക്കോട്: കേരളത്തിൻ്റെ സമാധാന ജീവിതം നശിപ്പിക്കുന്ന തീവ്രവാദ രാഷട്രീയത്തിനെതിരെ മതേതര കേരളം ഉണരണമെന്ന് ഐ.എസ്.എം. അഭിപ്രായപ്പെട്ടു.

രാഷ്ടീയത്തിൽ മതം കൂട്ടിക്കലർത്തി കേരളത്തിലെ ജനങ്ങളെ തമ്മിലടിപ്പിക്കാനുള്ള ആർ എസ് എസ്- പോപ്പുലർ ഫ്രണ്ട് ശ്രമം അത്യന്തം അപകടകരമാണ്. രാജ്യത്തെ മുസ്ലിംകളുടെ സംരക്ഷണാവകാശം ഏതെങ്കിലും തീവ്രവാദ പ്രസ്ഥാനങ്ങൾ ഏറ്റെടുക്കേണ്ടതില്ല.

രാഷ്ട്രീയ സാന്നിധ്യമുറപ്പിക്കാനുള്ള നീചപ്രവർത്തനങ്ങളാണ് അരുംകൊലകളിലൂടെ ആർ എസ് എസും പോപ്പുലർ ഫ്രണ്ടും നടത്തിക്കൊണ്ടിരിക്കുന്നത്. ഇത്തരം രാഷ്ട്രീപാർട്ടികളുടെ അജണ്ട തിരിച്ചറിയണമെന്നും കേരളത്തിന്റെ സാമൂഹ്യപരിസരത്ത് നിന്ന് ഈ വിധ്വംസക സംഘടനകളെ അകറ്റിനിർത്താൻ മുഴുവൻ മതവിശ്വാസികളും തയ്യാറാകണമെന്നും എക്സികൂട്ടീവ് ആവശ്യപ്പെട്ടു. ഐ എസ് എം സംസ്ഥാന പ്രസിഡന്റ് ഡോ. ഫുക്കാർ അലി ഉദ്ഘാടനം ചെയ്തു.